Mixtape.
Aliquam lorem ante, dapibus in, viverra quis, feugiat a, tellus. Phasellus viverra nulla ut metus varius laoreet quisque rutrum.

Instagram

Páll Óskar/KRISTALSPLATAN

KRISTALSPLATAN

Lagalisti

1. ALDREI EINN
2. EINN DANS
3. LÍÐUR AÐEINS BETUR
4. MEISTARINN
5. GEGNUM DIMMAN DAL
6. ÞÁ MÆTIR ÞÚ TIL MÍN
7. ÁST SEM ENDIST
8. GERSEMI
9. LÍTTU UPP Í LJÓS
10. ÉG ELSKA ÞIG TIL BAKA
11. VINNUM ÞETTA FYRIRFRAM
12. MEGI ÞAÐ BYRJA MEÐ MÉR
13. WALK AWAY

Aðgengileg á

Um plötuna

HJARTANS ÞAKKIR til allra sem komu nálægt þessari plötu. Stærsta og lengsta knúsið fá Bjarki Hallbergsson og Jakob Reynir Jakobsson, með sérstaklega miklu þakklæti fyrir alla gengdarlausu snilldina og þolinmæðina undanfarin 3 ár. Trausti Haraldsson, takk fyrir að hætta aldrei að dúndra á mig þínum dásamlegu lagasmíðum. StopWaitGo snillingar, þetta var bara einn dans og þið megið alltaf hring’í mig (x3) og bjóða mér upp í fleiri. Siggi Sigtryggs, sömuleiðis sendu mér fleiri pósta og við kokkum upp eintóma snilld. Takk elsku Frosti fyrir þitt fallega framlag á þessa plötu. Vinir og vandamenn og sérstaklega áheyrendur fá risastóra ástarkveðju með þökk fyrir að vera til.

Elska ykkur, Palli

Artist: Páll Óskar
Release Date: 11-8-2017
Genre: Plötur

Textar

ALDREI EINN

Ekkert vandamál er svo stórt og mikið
að ekki megi nú bæta það pínulítið
Skaðandi hugsanir læsa þig í hlekki
áhyggjur af hlutum sem svo gerast ekki

Hversu slæmt, hversu stórt og hversu bilað
einhver annar er líka að díla við það

Þú þarft að sjá
og minna þig á
sama hvað þú selur sjálfum þér þá, ertu samt
aldrei einn, aldrei einn
þú ert aldrei einn, aldrei einn, aldrei einn
Leyfðu þér að finna og sjá
og minna þig á
sama hvað gerist og hvað bjátar á þá ert þú
aldrei einn, aldrei einn.

Löngu hættur að hlaða á mig þungum byrðum
skammast mín ekki baun fyrir hjálp frá öðrum
Segi takk fyrir allt sem ég gæti lent í
og ég spyr sjálfan mig hvað má læra af því

Þessi heimur er fullur af kraftaverkum
sem ég trúi ekki á, heldur reikna með þeim

Ég reyni að sjá
og minna mig á
sama hvað mér tekst að selja mér þá er ég samt
aldrei einn, aldrei einn
ég er aldrei einn, aldrei einn
stundum þarf ég hjálp til að sjá
og minna mig á
sama hvað gerist og hvað bjátar á þá er ég
aldrei einn, aldrei einn.

Það er nóg bara að gera það sem þú getur
með því sem að þú hefur
þar sem þú ert.

Gerðu það allt sem þú bara getur
með því sem að þú hefur
þar sem þú ert.

Það er nóg bara að gera það sem þú getur
með því sem að þú hefur
þar sem þú ert.

Lag: Jakob Reynir Jakobsson / Bjarki Hallbergsson / Páll Óskar Texti: Páll Óskar
Allur hljóðfæraleikur: Jakob Reynir og Bjarki

EINN DANS

Ég var alltaf opinn fyrir því
lífið gæti orðið gott á ný
það þurfti ekki meir
það þurfti ekki meira til

Þetta var bara einn dans
einn dans inn í nóttina
sem að vakti í mér vonina
og ég var að vona
ég fengi að lifa draumana

Þetta var bara einn dans
einn dans inn í nóttina
sem að vakti í mér ástina
og nú þarf ég bara
að elska þig alla æfina

Þetta var bara einn dans..

Alveg magnað hvernig augnablik
breytir lífinu og snýr því við
það þurfti ekki meira
í mínu tilviki

Þetta var bara einn dans
einn dans inn í nóttina
sem að vakti í mér vonina
og ég var að vona
ég fengi að lifa draumana

Þetta var bara einn dans
einn dans inn í nóttina
sem að vakti í mér ástina
og nú þarf ég bara
að elska þig alla æfina

Þetta var bara einn dans..

Ef þú ert opinn fyrir því
þá get ég alveg lofað því
hamingjan finnur leið til þín

Þetta var bara einn dans..

Lag: StopWaitGo
Texti: Páll Óskar & StopWaitGo
Útsetning og upptökustjórn:
StopWaitGo
Allur hljóðfæraleikur, hljómborð og hljóðgerflar:
Ásgeir Orri Ásgeirsson, Sæþór Kristjánsson, Pálmi Ragnar Ásgeirsson
Söngur: Páll Óskar
Bakraddir: Sísí Ey & Ellen Kristjáns

LÍÐUR AÐEINS BETUR

Í minningunni
sé ég þig
og um leið þá líður mér aðeins betur
Þú nærð mér í neyð
og um leið
vaknar vorið inní mér, enginn vetur
Í stormi og byl
man ég þig
og um leið þá líður mér aðeins betur
í sorg og í sút
mætir þú
og ég veit þú gerir allt sem þú getur
því þannig ert þú

Þú ert bara “vinn vinn”
Sálufélaginn minn
Enginn annar þekkir mig
Ekki svona inn á við
þvílík gæfa

Ég þarf ekki að leita lengra en nefið á mér
því þú ert hér
hér hjá mér
og um leið þá líður mér aðeins betur
í sorg og í sút
mætir þú
og ég veit þú gerir allt sem þú getur
því þannig ert þú

Leysir úr flækjunum
finn fyrir léttinum
fetum sömu fótsporin
höfum sama húmorinn
Þvílík gæfa

Ég þarf ekki að leita lengra en nefið á mér
því þú ert hér
hér hjá mér
og um leið þá líður mér aðeins betur
Þú nærð mér í neyð
og um leið
vaknar vorið inní mér, enginn vetur
Í stormi og byl
man ég þig
og mér gengur alltaf eilítið betur
ef sálin er blú
mætir þú
og ég veit þú gerir allt sem þú getur
því þannig ert þú.

Lag: Bjarki Hallbergsson & Páll Óskar
Texti: Páll Óskar
Allur hljóðfæraleikur, upptökur og hljóðblöndun: Bjarki Hallbergsson
Söngur: Páll Óskar
Útsetning: Bjarki og Páll Óskar

MEISTARINN

Ég sem var svo klár
Ég var alltaf stikkfrí
svaka klár að vitna í
heilu bækurnar
alveg utanað
Hélt ég væri með það
staddur hérna núna
algerlega á skjön
við öll mín góðu plön
best að gefa eftir
sjálfsvirðinguna
selja sálina

Taktu tímann minn
og pótentíallinn
allan peninginn
sem ég vann mér inn
dragðu daginn minn
inn í skuggann þinn
út með tilganginn
út með fókusinn
Slökkt á símanum
ekki svara honum
engum treystandi
þú ert meistarinn
ég er þrællinn þinn
vertu velkominn
þú versti vinur minn

Djöfull ertu góður
í gömlu trixunum
og ranghugmyndunum
Þú selur og ég kaupi
á hærra verði en fyrr
með engum afslætti

Taktu tímann minn…

Lag: Jakob Reynir Jakobsson / Bjarki Hallbergsson / Páll Óskar Texti: Páll Óskar
Allur hljóðfæraleikur, upptökur og hljóðblöndun: Jakob Reynir og Bjarki Hallbergsson

GEGNUM DIMMAN DAL

Þú komst í hvítu
sást og sigraðir
og litar allt mitt líf
en nú má því linna
því ég verð að finna
til mín
án þín

Þó ég gangi einn
gegnum dimman dal
óttast aldrei neitt
þó ég gangi einn
í gegnum dimman dal
næ ég aftur heim

Ég veit það verða
þyrnar allt í kring
og stráin stinga mig
en ég veit þú veist að
ég þarf að treysta
á mig
án þín

Þó ég gangi einn
gegnum dimman dal
óttast aldrei neitt
þó ég gangi einn
í gegnum dimman dal
næ ég aftur heim

Að liðnum vetri
verð ég betri
á ný
án þín

Þó ég gangi einn…

Lag: Sara Grímsdóttir & Trausti Haraldsson
Texti: Páll Óskar
Útsetning og upptökustjórn:
Bjarki Hallbergsson, Jakob Reynir Jakobsson & Páll Óskar
Allur hljóðfæraleikur, hljómborð og hljóðgerflar: Jakob Reynir & Bjarki Hallbergs

ÞÁ MÆTIR ÞÚ TIL MÍN

Ég veit að allt sem mér finnst best
stangast á við allt sem mér var kennt
Ég veit það er bannað
en samt er það svo næs, svo rétt

Ef að þig langar þangað
sem engar langanir eru rangar
Þá mætir þú til mín
þá mætir þú til mín
þá mætir þú til mín

Og ef þú vilt hækka í hitanum
með einhverjum
þá mætir þú til mín

Ef að þig vantar einn góðan vin
einhvern sem þekkir þig út og inn
sem gefur og hlustar og fattar allt
sem þú átt við

Ef að þig langar þangað
sem engar langanir eru rangar
þá mætir þú til mín
þá mætir þú til mín
þá mætir þú til mín

Og ef þú vilt hækka í hitanum
með einhverjum
þá mætir þú til mín

Lag: Trausti Haraldsson Texti: Páll Óskar
Útsetning og upptökustjórn
Bjarki Hallbergsson, Jakob Reynir Jakobsson & Páll Óskar
Allur hljóðfæraleikur, hljómborð og hljóðgerflar: Jakob Reynir & Bjarki Hallbergs
Bakraddir: Pétur Jesús

ÁST SEM ENDIST

Loksins næ ég andanum á ný af því
fallegasta mannveran er mín á ný
stjörnurnar sem syngja með mér
stjörnurnar sem stafa ljósi’ á mig
standast engan samanburð við þig

Og enn á ný
þá bætir þú líf mitt og breytir því
og fuglarnir syngja sitt dirrindí
Þú gefur mér enn á ný
svo hlýja ást sem endist

Heimurinn svo bjútífúl og skýr – svo hlýr
Með þér hef ég fengið nýja sýn á því
með þér gerast kraftaverkin
með þér færist myrkrið burt frá mér
og sólin skærar skín

Og enn á ný
þá bætir þú líf mitt og breytir því
og fuglarnir syngja sitt dirrindí
Þú gefur mér enn á ný
svo hlýja ást sem endist

Loksins næ ég andanum á ný af því
fallegasta mannveran er mín á ný

Og enn á ný
þá bætir þú líf mitt og breytir því
og fuglarnir syngja sitt dirrindí
Þú gefur mér enn á ný
svo hlýja ást sem endist

Lag: Sigurður Kristinn Sigtryggsson / Viktoria Emelie Hansen / Mike Hough
Texti: Páll Óskar
Upptökustjórn: Siggi (3ft high music) og Páll Óskar.

GERSEMI

Má ég segja þér leyndarmál um þig
sem að allir vita um nema þú
því þú hefur löngu sýnt og sannað
að þú ert eitthundrað prósent fullgild

Gersemi
sem að fyrirfinnst
afar sjaldan
en nú hef ég kynnst
gersemi
og fegurð þín finnst
allt í kring
utan frá
sem innst

og nú veistu leyndarmál sem blasir
við öllum sem mæta þér en
samt gerir þú lítið úr og dæmir
þig á fullu jafnvel þó að þú sért

Gersemi
sem að fyrirfinnst
afar sjaldan
en nú hef ég kynnst
Gersemi
og fegurð þín finnst
allt í kring
utan frá
sem innst

Lag: Bjarki Hallbergsson Texti: Páll Óskar
Allur hljóðfæraleikur, hljómborð og hljóðgerflar: Bjarki Hallbergs Söngur: Páll Óskar

LÍTTU UPP Í LJÓS

Kominn útúr mesta myrkrinu
Vann mig útúr eigin sjálfheldu
En ef að út af ber
Og ef ég byrja að barma mér
Þá minni ég mig á það
sem hún mamma sagði mér

Líttu upp í ljós
þá stendur þú með skuggann í bakið
líttu upp í ljós
sem tekur burtu myrkrið og hatrið

Líttu upp í ljós
jafnvel inní gráu skýji er sólskinið falið
Líttu upp í ljós
Ég mæli með því, en þú hefur valið

Komst í gegnum böns af bömmerum
tæmdi gamalt dót af lagernum
En ef ég læðist inn
á gamla svarta staðinn minn
þá minni ég mig á það
sem hún mamma sagði eitt sinn

Líttu upp í ljós
þá stendur þú með skuggann í bakið
líttu upp í ljós
sem tekur burtu myrkrið og hatrið

Líttu upp í ljós
jafnvel inní gráu skýji er sólskinið falið
Líttu upp í ljós
Ég mæli með því, en þú hefur valið

Lag: Jakob Reynir Jakobsson / Bjarki Hallbergsson / Páll Óskar Texti: Páll Óskar
Upptökustjórn: Jakob, Bjarki & Páll Óskar
Allur hljóðfæraleikur, hljómborð og hljóðgerflar: Jakob Reynir og Bjarki Hallbergs
Söngur: Páll Óskar
Bakraddir: Íris Hólm og Erna Hrönn
Harpa: Monika Abendroth

ÉG ELSKA ÞIG TIL BAKA

Ég sem hélt ég myndi aldrei elska neinn
Orðinn alveg sáttur við að vera bara einn
Og ég hleypti engum inn
Enginn mátti vera minn

Ástin var svo hrikalega fjarri mér
Næsta sem ég veit er ég í fanginu á þér
og þú faðmar mig að þér
heyri andardráttinn

Loksins fann ég svarið eftir langa bið
Þú ert sá sem fær mig til að langa að vera til
Ég elska þig til baka

Kenndu mér að faðma á ný og finna til
Núna loksins veit ég hvað ég þarf og hvað ég vil
Ég elska þig til baka

Ég sem hélt að enginn myndi elska mig.
Alheimurinn heyrði til mín, valdi’ og sendi þig.
Og ég veit að þú ert hann
þessi eini sem ég ann

Jafnvel þó með tímanum við gætum breyst
finn ég samt að hjartað í mér getur aftur treyst
hvernig ástin eykst og eykst
gegnum skin og skúrir.

Loksins fann ég svarið eftir langa bið…

Lag: Bjarki Hallbergsson Texti: Páll Óskar
Upptaka, útsetning og allur hljóðfæraleikur: Bjarki Hallbergsson

VINNUM ÞETTA FYRIRFRAM

Ég er kominn eurovision stuðið í
Enginn toppar þjóðarsálina í því.
Við verðum óð
— og alltaf setjum markið jafn hátt.
Svo fjári góð
— bara formsatriði að taka þátt.

Við vinnum þetta fyrirfram
við þurfum ekki heppnina.
Og eina vandamálið er
hvar við höldum keppnina.

Við göngum hýr og glöð á svið
með Gleðibankasyndrómið.
Svo, áfram Ísland, byrjum brjálað djamm
— og við vinnum, vinnum fyrirfram.

Ef að lagið engar undirtektir fær.
Og stigin lenda öll í Austurlöndum nær.
Æ, Skítt með það
þó í sæti númer sextán sé sest.
Við vitum að
í raun og veru erum við best.
Best, best — alltaf langbest.

Við vinnum þetta fyrirfram
við þurfum ekki heppnina.
Og eina vandamálið er
hvar við höldum keppnina.

Við göngum hýr og glöð á svið
með Gleðibankasyndrómið.
Svo, áfram Ísland! Byrjum brjálað djamm!
— og við vinnum, vinnum fyrirfram.

Við vinnum þetta fyrirfram
þó fari allt til andskotans.
Við leggjum allt í sölurnar
og sendum okkar hinsta dans.

Við elskum allar Nínurnar
og upphækkuðu línurnar.
Svo! Áfram Ísland, byrjum brjálað djamm.
— Og við rústum þessu fyrirfram.

Við vinnum þetta fyrirfram
við þurfum ekki heppnina.
Og eina vandamálið er
hvar við höldum keppnina.

Við göngum hýr og glöð á svið
með Gleðibankasyndrómið.
Já! Áfram Ísland, byrjum brjálað djamm.
— Og við vinnum, vinnum fyrirfram!

Lag: Siggi Sigtryggs / Little Boots
Texti: Páll Óskar / Bragi Valdimar Skúlason
Bakraddir: Pétur Jesús og Elíza Geirsdóttir Newman

MEGI ÞAÐ BYRJA MEÐ MÉR

Ef að ég gæti breytt öllum heiminum
Myndi ég kannski byrja hjá börnunum
Gefa þeim sól sumaryl
Þau lifa í heimi sem að þau bjuggu ekki til
Ég hélt að ég gæti ekkert leyst
En nú hef ég sjálfur breyst

Ég bið að
Megi megi
Þessi heimur hér
Verða aðeins
Betri en hann er
Og megi megi
Megi það byrja með mér

Hvernig get ég svo breytt þessum heimi hér?
Held ég verði að byrja á sjálfum mér
Hvað get ég gert fyrir þau
Þau sem lifa í sárustu fátækt og nauð
Ég hélt að ég gæti ekkert leyst
En nú hef ég sjálfur breyst

Ég bið að…

Tanky plenty
Tanky plenty

Lag: Redd Lights / Páll Óskar Texti: Páll Óskar.

WALK AWAY

Songs from the past
and words for tomorrow
There’s silence at last
and nothing but sorrow

I turn off the lights
close the door,
walk away, walk away

I turn off the lights
close the door,
find my way, find my way

Lag og texti: Frosti Jónsson – BistroBoy
Allur hljóðfæraleikur, útsetning og upptökustjórn: BistroBoy.

Myndband